भाद्र १९. २०७२
वीरगञ्जमा प्रहरीको गोलीले मृत्यु भएका ५ जनाको शवयात्रामा शनिबार वीरगन्जमा व्यापक सहभागीता देखिएको छ। स्थानीय प्रशासनले मृतक पाँचै जनालाई सहिद घोषणा, घाइतेहरुको उपचार र क्षतिपूर्तिको लागि सिफारीस गरेपछि आन्दोलनरत पक्ष र मृतकका आफन्तहरु अन्त्येष्टिका लागि सहमत भएपछि वीरगन्जमा शवयात्रा निकालिएको हो।
सोमबार स्थानीय प्रशासनसँग भएको सहमति अनुसार सवयात्रा निकाल्नको लागि बिहान ९ बजेदेखि १२ बजेसम्म कर्फ्यु हटाइएको थियो। तर शवयात्रामा देखिएको सहभागीतामा कुनै अप्रिय घटना नहोस् भन्ने बिषयलाई मध्यनजर गर्दै प्रशासनले कर्फ्युको समयालाइ २ बजेसम्म गरेको छ।
गत १४ र १५ भदौमा वीरगञ्जमा झडपमा प्रहरीको गोली लागि दिलिप चौरसिया, धर्मराज सिंह, दिनानाथ साह, जयप्रकाश साह तेली र सोहन साहको ज्यान गएको थियो।
बिहान ११ बजे सुरूभएको शवयात्रा अस्पतालबाट घण्टाघर, इनरबाइपास, नगवा, नयाँ बसपार्क, लक्ष्मनवा चोक, गण्डक, पावर हाउस, राधेमाइ हुँदै तिलावे नदीमा हिन्दु रितीरिवाज अनुसार अन्तेष्टि गरिने सङ्घीय समाजवादी फोरम नेपालका पर्सा जिल्ला अध्यक्ष प्रदीप यादवले जानकारी दिए।
No comments:
Post a Comment